Britisk dokumentar. Bettany Hughes oppdagar korleis Karl Marx, Friedrich Nietzsche og Sigmund Freud endra det politiske, kulturelle og intellektuelle landskapet på 1800-talet.
Br. dokumentarserie. Marx, Nietzsche og Freud endra den moderne verda. Fire år gamle Sigmund Freud flyttar til Wien i 1860, og i løpet av dei neste 80 åra utviklar han ein ny, radikal og ofte urovekkande innsikt i menneskesinnet. Wien er på denne tida ein by prega av politisk og økonomisk uro. Halvparten av innbyggarane er immigrantar, og den sosiale ulikskapen er stor. Og det er i denne atmosfæren at Freud for all framtid skal endre måten vi forstår oss sjølve, våre eigne liv og indre landskap. (Genius of the Modern World: Freud) (1:3)